“Iltimos, tug'ilgan kuningiz bilan samimiy tabriklarimni qabul qiling. Sizning dono rahbarligingiz tufayli do'st Tojikiston ijtimoiy-iqtisodiy o'zgarishlar yo'lidan borib, jadal va ishonchli rivojlanmoqda. Mehmondo'st Dushanbeda 14-sentabr kuni bo'lib o'tgan Markaziy Osiyo davlatlari rahbarlarining maslahat uchrashuvi doirasidagi so'nggi uchrashuvimizni mamnuniyat bilan eslayman. Do'stlik va o'zaro anglashuv muhitida qirg'iz-tojik davlatlararo munosabatlarining holati va uni yanada rivojlantirish istiqbollarini qizg'in muhokama qildik. Sizga, muhtaram Emomali Sharipovich, mustahkam sog'lik, baxt-saodat, farovonlik, do'st Tojikiston xalqiga tinchlik va farovonlik tilayman”, — deyiladi Sadir Japarovning tabriknomasida.