O'zbekiston Respublikasi Prezidenti Shavkat Mirziyoev o'z nutqida YEOII bilan hamkorlikni rivojlantirishning ustuvor yo'nalishlari belgilab berdi.
 
Quyida O'zbekiston Respublikasi Prezidenti Shavkat Mirziyoev tomonidan ilgari surilgan tashabbuslar keltirilgan.
 
-O'zbekiston va YEOII davlatlari o'rtasida to'siqlarsiz savdoning yagona raqamli makonini shakllantirish taklifi bildirildi;
 
-raqamli tranzitni joriy etish, kuzatuv tizimlariga ulanish hamda o'tkazish punktlarini modernizatsiya qilish orqali “aqlli” transport-bojxona yo'laklarini yaratish ishlariga kirishish tashabbusi ilgari surildi;
 
-O'zbekiston va YEOII mamlakatlari o'rtasida sanoat kooperatsiyasi dasturini tayyorlashda “INNOPROM. Markaziy Osiyo” xalqaro sanoat ko'rgazmasi  salohiyatidan foydalanish taklif qilindi;
 
-O'zbekiston kooperatsiya bo'yicha “yagona darcha” formatida Yevroosiyo iqtisodiy komissiyasi bilan hamkorlikda sheriklarni tanlaydigan, erkin sanoat zonalar negizida tashabbuslarni qo'llab-quvvatlaydigan, moliyalashtirishni jalb etishga ko'maklashadigan qo'shma loyiha ofisini ochishga tayyorligini bildirdi;
 
- energiya samaradorligini oshirish, toza texnologiyalarni joriy etish va mahsulotlarning uglerod sig'imini kamaytirishga qaratilgan Sanoatni “yashil” transformatsiya qilish qo'shma dasturini qabul qilish taklifi bildirildi;
 
- fuqarolarning ishonchli bo'sh ish o'rinlari, ishga joylashish shartlari hamda migratsiya qonunchiligi normalari haqidagi ma'lumotlardan to'g'ridan-to'g'ri foydalanishini ta'minlaydigan qulay va yaxlit raqamli muhitni shakllantirish taklifi ilgari surildi;
 
-YEOII davlatlarini O'zbekistonning “Markaziy Osiyo turistik halqasi” tashabbusini ommabop raqamli platformalarda birgalikda ilgari surishga qo'shilishga taklif qildi.

Batafsil: https://president.uz/oz/lists/view/9264