Uchrashuv davomida tomonlar O‘zbekiston–Rossiya hamkorligining dolzarb masalalari, jumladan, “Markaziy Osiyo – Rossiya” formatidagi hamkorlik yuzasidan fikr almashdilar hamda mintaqadagi joriy jarayonlarni muhokama qildilar.

Rossiyalik ekspert O‘zbekistonning rivojlanish jarayoniga yuqori baho berib, amalga oshirilayotgan islohotlarning jamiyat va iqtisodiyotning asosiy sohalarini modernizatsiya qilishga qaratilgan kompleks va izchil xususiyatini alohida ta’kidladi.

Shuningdek, O‘zbekiston–Rossiya hamkorligining keng qamrovli yo‘nalishlarni o‘z ichiga olgani va mustahkam institutsional mexanizmlarga tayanayotgan holda bosqichma-bosqich rivojlanib borayotgani qayd etildi.

Gumanitar hamkorlik masalalariga, xususan ta’lim va kadrlar tayyorlash sohasiga, shuningdek, ikki mamlakat o‘rtasidagi ilmiy-ta’limiy va ekspertlik aloqalarini kengaytirish istiqbollariga alohida e’tibor qaratildi.

Uchrashuv yakunida MOXI va Rossiya ilmiy-tahliliy markazlari o‘rtasidagi ekspert muloqotini yanada mustahkamlashga o‘zaro qiziqish bildirildi.