O‘zbekiston Prezidenti TDT doirasidagi hamkorlikni mustahkamlash bo‘yicha qator muhim tashabbuslarni ilgari surdi.
Asosiy tashabbuslar:
✅ Sun’iy intellekt sohasida TDT davlatlarining strategik hamkorlik tarmog‘ini shakllantirish taklif etildi;
✅ Mintaqaviy ma’lumotlar markazlarini yuqori tezlikdagi aloqa kanallari bilan bog‘lash uchun “Raqamli turkiy koridor konsepsiyasi”ni ishlab chiqish tashabbusi ilgari surildi;
✅ Toshkentda TDTga a’zo davlatlar ishtirokida Texnologiyalar forumini o‘tkazish rejalari e’lon qilindi;
✅ Tarixiy-madaniy merosni birlashtirish uchun TURKSOY va Turkiy akademiya bilan birgalikda yagona "katta ma’lumotlar" platformasini yaratish taklif etildi;
✅ Yassaviy tariqatining bag‘rikenglik va ma’rifatparvarlik g‘oyalarini keng yoyish tashabbusi ilgari surildi;
✅ Xiva shahrida "Turkiy dunyo yoshlar poytaxti" maqomi doirasida Yosh liderlar forumi va Xalqaro yoshlar festivali o‘tkazilishi ma’lum qilindi;
✅ TDT mamlakatlariga startaplar va sun’iy intellektni rivojlantirishni moliyalashtirish uchun O‘zbekiston va Qozog‘iston qo‘shma venchur jamgʻarmasiga qo‘shilish taklif etildi;
✅ O‘zbekiston va TDTga a’zo barcha davlatlar o‘rtasida "E-Permit" elektron ruxsatnomalar tizimining to‘liq integratsiyalashuvi qayd etildi;
✅ Bojxona va tranzit tartib-taomillarini raqamlashtirish, shuningdek, raqamli logistika platformalarini integratsiya qilish zarurligi ta’kidlandi;
✅ TDT qoshida sun’iy yo‘ldosh ma’lumotlari asosida iqlim xatarlarini monitoring qilish tizimini yaratish taklif etildi;
✅ TDT doirasida 2027-yilni “Tabiatni asrash yili” deb e’lon qilish tashabbusi ilgari surildi;
✅ Kiberxavfsizlik va raqamli infratuzilmani himoya qilish bo‘yicha Turkiy alyans tuzish taklif qilindi.
Batafsil: https://president.uz/ru/lists/view/9215
